Арна иелерімен табысты бөлісу
Read the original announcement in English
Бүгін әлеуметтік желілер тарихындағы ең жомарт сыйақы жүйелерінің бірін таныстырамыз. Енді Telegram арна иелері өз арналарына орналастырылған жарнамалардан түскен табыстың 50%-ын ала алады.
Жасаушылар үшін сыйақылар
Telegram қолданушылары ай сайын арналарда 1 триллионнан астам көрілім жасайды. Бүгіннен бастап кемінде 1000 жазылушысы бар жария арналардың иелері өз арналарындағы жарнамалардан түскен табыстың 50%-ын көлемінде сыйақы ала алады.
Арна иелері сыйақыларын комиссиясыз шешіп ала алады немесе оларды Telegram жарнамаларына, жиынтық қолданушы аттарына немесе Premium сыйлықтарына қайта инвестициялай алады.
Арнаңыздың табыс табу статистикасын көру үшін Арна баптауы → Статистика → Табыс бөліміне өтіңіз. Арна иелері үшін қаражатты шешіп алу Fragment арқылы жүзеге асады. Толық шарттар мен талаптарды осы беттен таба аласыз.
TON негізіндегі жарнама
Бұл мүмкіндікті қолдану үшін біз жаңа жарнама түрін енгіздік, қолданушылар оны Toncoin арқылы сатып ала алады. Toncoin – TON блокчейнімен жұмыс істейтін криптовалюта.
TON блокчейні таңдалды, себебі оның комиссиясы төмен, транзакция жылдамдығы жоғары және ол секундына өңделетін транзакциялар саны бойынша рекордқа ие.
Енді кез келген адам өз ботын немесе арнасын жарнамалай алады, қаражат бірнеше Toncoin-нан басталады. Telegram жарнамасын жасағанда, оның қай арналарда көрсетілетінін нақты таңдайсыз, осылайша мәнмәтінді толық бақылай аласыз.
Бастау үшін Telegram жарнама платформасы сайтына кіріңіз.
Telegram-дағы жарнаманың ерекшелігі
Telegram жарнамасы басқа қолданбалардағы жарнамалардан мүлде өзгеше. Олар тек үлкен жария арналарда көрсетіледі. Жарнамалар жеке чаттарыңызда, чат тізімінде немесе басқа бетбейнеде ешқашан пайда болмайды.
Telegram жарнамасы қолданушы деректеріне негізделмейді. Олар тек сіз көріп отырған арнаға байланысты және тікелей арна иелеріне пайда әкеледі.
Біз жарнамаларды бәрі бірдей ұната бермейтінін түсінеміз, тіпті олар контент жасаушыларды қолдаса да. Бақытымызға орай, Telegram-да кез келген адам Telegram Premium-ге жазылу арқылы жарнамаларды өшіре алады және ондаған айрықша мүмкіндіктерге, соның ішінде жаңа Telegram Business мүмкіндіктеріне қол жеткізе алады.
2024 жылы 31 наурыз
Telegram командасы
Басқа жаңалықтар
리치 텍스트 에디터, 커뮤니티, 그룹 내 휘발성 메시지, 3억 5천만 개의 GIF
스마트워치 앱, 봇을 위한 리치 텍스트, 그룹을 위한 AI 가디언, 그리고 그 외에도 다양한 기능
게스트 AI 봇, 봇 간 대화, 대화 자동화, 맞춤형 AI 스타일, 1억 개 이상의 이모지 및 스티커 검색 등 다양한 기능
